BAGYONG FRANK SA PROBINSIYA IT AKLAN 2008

ni Alfresa Reyes

Kon matandaan naton, haeos daywang dag-on eon ro nakataliwan sa pag-agi it Bagyo Frank sa Aklan. Sabado rato, June 21, 2008, ag adlaw.

Bag-o umabot ro bagyo, hangawa ro mga tawo nga owa't untat ro paghinangin ag adlaw-adlaw ro inuean.

Pero bukon it tanan nga parti't Aklan ro inagyan ni Bagyo Frank. Ana man lang nga ginpili ro mga masunod nga banwa: Libacao, Madalag, Malinao, Lezo, Numancia ag Makato.

Ag dumiritso sa Kalibo.

Sa sigi it hangin ag sa todo nga uean, owa hipan-uhi ro pagsueong ku baha. Ro mga tawo nagkueopag kon siin maadto. Imaw eon ra siguro ro ginatawag nga F-L-A-S-H F-L-O-O-D, hambae ku ibang tawo.

Mayad ay adlaw rato natabo, nakapangilaman ag nakaeskapar ro mga tawo. Abaw kon gabii natabu, seguro abu gid ro nagkaeaeomos,kapin pa ay madueom. Owa it kuryente ro kalye.

Saeamat gid sa Diyos ay adlaw nga Sabado, ro mga eskuylahan hay serado. Owa't mga eskuyla ngani owa it abu nga nasamad ag nadistroso, puera eang sa mga kagamitan ag mga baligya sa tindahan ,

Ro mga eskuylahan,simbahan ,hospital, tindahan ag mga kabyaean tanan ginsueob it baha nga eapaw pa sa panaegan, ngani nagaideya lang ro mga tawo nga makalibre, sa naga-abot nga kalamidad sa banwa.

Aba kon gasakay ka sa eroplano, ag imong eongayon ro sa obos kimo, ro mga lugar nga may baha hay sa kaeaparon, matsa desirto sa Saudi Arabia kon imo nga tan-awon.

Hamakon mo ro kadaeom ku baha, matsa owa eang eomapaw sa tulay it Kalibo ag umabot sa pasamano. Ro mga baeay maeapit sa suba ag mga manaba, ubos it pang-anod. Owa gid it nakita kon siin gindagsa.

Paghupa ku baha may daywang adlaw ro nagtaliwan. Ro mga daean ag mga karsada ag iba pa nga mga aeagyan, madaeom ro eapok ag eotay pares gid ku kaeanasan, ngani pwede tanoman it paeay ag mais ag mga tinuean-on.

Sus man ro plaza it Kalibo sa kagamo-gamo, puno it mga gakasari-saring dagsa nga gin-aywan it baha. Una tanan gintumpok ro mga basura sa mga binet it karsada. Kon imo nga pamantawon hay matsa bukon eot-a it banwa.

Saeamat ay may mga tawo nga mabinuligon ag mahumok it tagiposuon ,idto maghalin sa ibang banwa nagbulig it hawan ag himos ku mga basura. Nagdaea pa it DUMP TRUCK nga kargahan ku mga himos nga mga higko kon nanda ipilak, hasta naghawan ro plaza it Kalibo bisan may habilin nga eotay nga owa pa gamaea.

Eain mat-a ro gin-obra co bagyong si FRANK sa banwa it libacao ag madalag, may idto man nga gina tawag nga L-A-N-D- S-L-I-D-E- , gulpi dumaos dos ro eapok pag catimpa co bukid ag gin anod it uean pa adto sa obos ,ag ro tubi ag uean hay nag sapunok ,imao ra ro pag BAHA IT EAPOK

Abaw abu nga na eomos nga mga tawo nga owa it suerti , owa sanda naca dali dali it pag escapar hay owa naca libre , nakita sanda sa mga gaea nga gin anod co baha nga dimos eon it eotay , gin takas ro nga nkita ag gin daea sa plza it kalibo idto sanda pag tipona , con anda nga huyapon ga abot sa sobrang setenta ag gina hueat it eogcaton it mga tag ana .

RAYA ro nag caeatabu co pag bagyo ni FRANK co 2008 sa probinsiya it AKLAN nga indi naton malipatan

SA it macaron matawhay eon ro pagpangabuhi it mga pumueoyo NAG BALIK eon sa NORMAL o dati nga pag gawi ag ro aton nga probinsiya it AKLAN naga uswag nga mag mayad ro aton nga probinsiya MABUHAY RO PROBINSIYA IT AKLAN !!!! ltsong bahala ca lang cara