Ro bisaea nga manipis ag madamoe hay owa sa libro nga A Study of the Aklanon dialect, vol. two, Dictionary.
Owa ako kasayod kon ham-at owa. Siguro hay bangod ro hambae nga manipis hay halin sa nipis ag ro madamoe hay halin sa damoe. Busa makita mo ra kon usuyon mo ro nipis ag damoe.
Ano ro nipis? Kon ro kadamueon ku sangka butang ro ginahambaean, ginagamit ro nipis.
Halimbawa: Manipis ro papel. Madamoe ro karton.
Manipis ro bibig ku mga Intsik bukon it pareho sa bibig ku mga Afrikano.
Ginagamit ro hambae nga manipis kon naganiwang ro tawo. Manipis eon ra dueonggan ni Juan bangod sa kapobrehon.
Ag ro madamoe hay pwede man nga gamiton kon ro tawo hay owa it huya. Madamoe mana ra uyahon ni Ana.
Subscribe to:
Post Comments (Atom)
No comments:
Post a Comment